به‌ شه‌ش مانگی له‌ دایكبووه‌

منداڵێكی دوو رۆژه‌ به‌ فڕێدراوی دۆزرایه‌وه‌

منداڵێكی دوو رۆژه‌ به‌ فڕێدراوی دۆزرایه‌وه‌
كه‌ركوك/ته‌موزی 2017/ دیمه‌نێكی شاری كه‌ركوك له‌كاتی خۆرئاوابوندا له‌سه‌ر قه‌ڵای مێژویی شاره‌كه‌وه‌ فۆتۆ: بنار سه‌ردار

كه‌ركوك ناو

منداڵێكی دوو رۆژه‌ به‌ فڕێدراوی له‌ نزیک بەڕێوه‌بەرایەتی پۆلیسی هاتوچۆی كه‌ركوك دۆزرایه‌وه‌، به‌پێی پشكنینی پزیشكی به‌ شه‌ش مانگی له‌ دایكبووه‌.

منداڵه‌كه‌، ئێوارەی ئەمڕۆ یه‌كشه‌ممه‌ 10ی ئازار، لەسەر رێگای کەرکوک -  سلێمانی و لە نزیک بەڕێوه‌بەرایەتی هاتوچۆی کەرکوک، لەلایەن بنکەی پۆلیسی ئازادییەوە هه‌ڵگیرایه‌وه‌.

نەقیب فەرهاد مەحمود، بەڕێوه‌بەری ئه‌و بنکەیه‌ بە (کەرکوک ناو)ی وت "ئێمه‌ش ئاگادارکراینەوە له‌ بوونی ئه‌و منداڵه‌ تازە لە دایکبووه‌ و گواستمانەوە بۆ نەخۆشخانەی ئازادی، له‌ ئێستادا منداڵەکە لەژێر چاودێری پزیشکیدایە".

"پاش پشکنینی پزیشکی دەرکەوتووە منداڵەکە به‌ شەش مانگی له ‌دایكبووه‌ و ئێستا ته‌مه‌نی دوو رۆژه‌ و له‌ رەگەزی نێرە"، به‌وته‌ی نه‌قیب فه‌رهاد.

پشکنینی پزیشکی دەریخستووه‌ منداڵەکە به‌ شەش مانگی له ‌دایكبووه‌

ساڵانه‌ چه‌ند حاڵه‌تێكی فڕێدانی منداڵی تازه‌ له‌دایكبوو له‌و شاره‌ تۆمارده‌كرێت.

كه‌ركوك
كه‌ركوك/10ی ئازاری 2019/ منداڵێكی تازه‌ له‌ دایكبوو دوای فڕێدانی له‌سه‌ر شه‌قامێكی شاره‌كه‌ ره‌وانه‌ی نه‌خۆشخانه‌ كرا فۆتۆ: تایبه‌ت به‌ كه‌ركوك ناو

حسێن سابر، لێپرسراوی راگەیاندنی فەرمانگەی تەندروستی کەرکوک بە (کەرکوک ناو)ی وت "تائێستا هیچ ئامارێک لە بەردەستدا نییە، له‌باره‌ی منداڵی فڕێدراو لە کەرکوک، چونکە زۆربەی کات بابەتەکان پەیوەندی بە پۆلیس و دادگاوە هەیە، بەڵام ئەو حاڵەتانە جارجار لە کەرکوک رودەده‌ن".

  • FB
  • Instagram
  • Twitter
  • YT