كاروان ساڵحی، په‌یامنێری (كه‌ركوك ناو) له‌لایه‌ن سوپای عیراقه‌وه‌ ده‌ستبه‌سه‌ركرا

كاروان ساڵحی، په‌یامنێری (كه‌ركوك ناو)

كه‌ركوك ناو

كاروان ساڵحی، په‌یامنێری (كه‌ركوك ناو)، له‌لایه‌ن هێزێكی سوپای عیراقه‌وه‌ له‌ گوندی په‌ڵكانه‌ی سه‌ر به‌ قه‌زای دوبز ده‌ستبه‌سه‌ركرا.

كاتژمێر 2:45 خوله‌كی پاشنیوه‌ڕۆی ئه‌مڕۆ سێشه‌ممه‌ 14ی ئایار، كاروان ساڵحی له‌كاتی روماڵكردنی روداوه‌كه‌ی گوندی په‌ڵكانه‌ی سه‌ر به‌ ناحیه‌ی سه‌رگه‌ڕان له‌ قه‌زای دوبز ده‌ستبه‌سه‌ركرا و تا ئاماده‌كردنی ئه‌م هه‌واڵه‌ ئازادنه‌كراوه‌.

كاروان، له‌ دواین په‌یوه‌ندیدا به‌ ته‌له‌فون له‌گه‌ڵ ئۆفیسی (كه‌ركوك ناو)، وتی "هێزێكی سوپای عیراق له‌كاتی روماڵكردن رایانگرتین و وتیان ره‌زامه‌ندیتان له‌لایه‌ن فه‌رمانده‌یی ئۆپه‌راسیۆنی كه‌ركوكه‌وه‌ پێنه‌دراوه‌".

وتیشی "ئێستا ده‌مانبه‌ن بۆ باره‌گای فه‌وجی مغاویری فرقه‌ی 14 له‌ شه‌ناغه‌ له‌ باكوری خۆرئاوای كه‌ركوك بۆ لێكۆڵینه‌وه‌".

(كه‌ركوك ناو)، مۆڵه‌تی سه‌ندیكای رۆژنامه‌نوسانی عیراق و هه‌رێمی كوردستانی هه‌یه‌ و له‌ ئیداره‌ی كه‌ركوكیش ماڵپه‌ڕێكی تۆماركراوه‌.

ئه‌مڕۆ سێشه‌ممه‌ 14ی ئایار، ئاڵۆزی له‌ نێوان هاوڵاتیانی كورد و عه‌ره‌ب له‌ گوندی په‌ڵكانه‌ی كه‌ركوك رویدا و به‌پێی سێ سه‌رچاوه‌ی نێو گونده‌كه،‌ هێزێكی سوپای عیراق به‌ هه‌مه‌ر و ئۆتۆمبێلی سه‌ربازییه‌وه‌ ده‌ستتێوره‌دانیان كردووه‌ به‌ئامانجی هێوركردنه‌وه‌ی دۆخه‌كه‌ و له‌ شوێنی روداوه‌كه‌ ژماره‌یه‌ك هاوڵاتی له‌هه‌ردوو نه‌ته‌وه‌كه‌ ده‌ستگیركران.

  • FB
  • Instagram
  • Twitter
  • YT